شن مدحت العدل المرشح المحتمل لرئاسة نادي الزمالك هجومًا شرسًا على الفريق الأول لكرة القدم بالنادي بعد الخسارة من الأهلي بهدفين لهدف في مباراة القمة رقم 121، والتي جمعت بينهم، مساء أمس الأحد، على ملعب استاد القاهرة الدولي، ضمن مؤجلات الجولة الرابعة من بطولة الدوري المصري الممتاز.
وقال مدحت العدل خلال تصريحات إذاعية عبر إذاعة «أون سبورت أف أم»: ” ما حدث في مباراة الأمس قلة أدب، بيلعبوا برعونة ومش رجولة، عندكوا عقدة نفسية من الأهلي ولا أيه، مضيفًا بتلاعب فرقة أنت أعلى منها مهاريًا، أيه الي بيعمله كارتيرون ده هو انت بتلاعب بايرن ميونيخ، اللي حصل حاجة تجنن، مدرب جبان والي جمبه بيعملوا ايه، حاجة تحرق الدم وتقرف، متقعدش تقولي أصل الإدارة، مال الإدارة بمحمود علاء اللي يشوطها برعونة بالشكل ده، كورة ترجعك الماتش مش عارف تلعبنا”.
وأضاف العدل: «فرجاني ساسي ايه اللي ياخد 2 مليون يورو، عملنا أيه في المباريات المهمة فرجاني ده، هو أنا جايب فريق بملايين علشان يطلعوا التاني في الدوري، دي لعيبة أصغر وأقل قيمة من تي شيرت الزمالك».
وأتم العدل: «يوسف أوباما اللي مش عارف هو بيعمل ايه في الزمالك، أوباما لاعب مرعوش وخايف، مين ده اللي عاوز ياخد 7 ولا 8 مليون جنيه في السنة، أوباما أخره يلعب في نادي الاتحاد السكندري، أنا لو رئيس النادي كنت مشيت لعيبة كتير، يوسف كبيره ياخد مليون جنيه في السنة».
